الهم غيمه بالقصيد ايتجلاَّ

وهجسي ليا من هب صلفٍ وشمالي

اما يترجم واقع الحال والاّ

اتجاهل الواقع واداعب خياليياعين دام النوم منّك مجّلا

والليل من طوله خذا طول بالي

بجر صوتي باللحن و اتسلاّ

الضيق ما يثني عزوم الرجالي

لو كان ما بقّى زماني وخلاّ

الا رجاي بمن عليه اتكالي

صعبه يديّ من الخلايق تملاّ

الا عسى لا جيت ماعود خالي

النفس بالعزّه تشوم وتعلاّ

ثوب الستر ضافي ولو كان بالي

ليت الرفيق اللي زهمت وتخلاّ

ما كان في عيني حشيمٍ وغالي

لا صار بدَّل قولت ابشر بكلاّ

وقت الرخى مثله بحسبة ظلالي

وش عاد لامن جيت رحّب وهلاّ

ما دام خلاّني لبقعا لحالي

الِّلي عن حقوق الصديق ايتولاَّ

ماني خويٍ له و يلقى بدالي

انا لو انِّي بالكفاح اتحلاّ

ماهوب شرط يكون صدري شمالي

- فهاد بن صهده