الموضوعات الأكثر
نحشد جيوش العز في كل ميدان
لجل انتصار الدين وابليس ملعون
بعيال زايد صف وعيال سلمان
صرنا جبل راسي مثل ما تشوفون
- فتاة تهامة
***
تكاتفوا بالحق يوم اللقا حان
وخلّوه يمشي فاقد العقل مجنون
نعمٍ بهم نعمين طلقين الايمان
عز الخليج وعز من صاح مغبون
- سراب الويلان
***
حريبنا في ساحه الحرب خسران
الله نصرنا والنصر صار مضمون
واكبر دليل اللي غزى حد نجران
روًح مثل روحة غرق قوم فرعون
- الريم
***
وقت الوغى ضدالعدو صف،واخوان
ناقف لاجل نصرة ضعيفٍ ومحزون
حتى الحديد ان شاف قواتنا لان
نصبح علاج احيان واحيان طاعون
- متعبه الشهري
***
من هو تحدى قادته عاش ندمان
ما تنفعه داعش ولو عاش قارون
يقضي حياته مقترف كل عدوان
ماله هدف ماله مبادي ولا عون
- مريم العتيبي
***
وأفعالهم ترجح على كل ميزان
وعدوهم في ساحة الحرب مطعون
مدّاتهم مثل المطر يسق الأوطان
وأقوالهم قانون من غير قانون
- فيض السحابه
يادارنا ياتاجٍ لكل الاوطان
طوّعتي الكايد وجالك على الهون
للحرب حرّابه وفي السلم لك شان
تبقين ورجالك عن ارضك يذودون
- عبرة شعر
***
الله معانا والخصم معه شيطان
حربه خساره مابها شك وظنون
مابيننا شخصٍ ضعيفٍ وخوّان
الله جمعنا للوطن درع وحصون
- الثريا
***
الروس خافت وارتعد قلب طهران
واعداءنا منا طبيعي يخافون
حنّا تحالفنا على هدم الاوثان
واللي يعادينا مدمّر ومطحون
- ضي الفكر
***
رعد الشمال اللي تكاشف بالامزان
عساه يروي ضامي القاع بمزون
ويجر سيله من تردَّى ومن خان
ويقشع جذورالكفر من ساس واركون
- بروق السراة
***
وتلبس بلاد الخير من كل بستان
ويزين فيها الشعر يالَّلي تغنون
هذا الوطن غالي ويشرى بالثمان
مانرخصه بالسوم ياللي تسومون
- بروق بدويه
***
حنَّا هل. الوقفات من طول الأزمان
يشهد لنا التاريخ والكل يدرون
اجنودنا دون الوطن درع واعوان
بأعمارهم في ساحة الحرب يوفون
- صمت المشاعر الوآيليه
حمّاية الهيّة على القب فرسان
ياويل منهو فالملاقى يعادون
لوإنها بالرمح والسيف شامان
عدوهم ميّت وبالحال مدفون
- مها الجهني
جنودنا تبقئ سلايل كحيلان
في كل غاره يوقفون ويصفّون
لو شافوا الموت المحتّم ولو كان
ماعرّضوه ظهورهم لو يموتون
- المها الحارثيه
***
ارض الجزيرة نجمها فوقهم بان
شامخ وطناّ وشعبنا حيل ممنون
وجنودنا في ساعة الحرب شجعان
وعدونا نسقيه له الموت بالهون
- شيهانه الجبلين
***
يحق لنا نفرح نغرّد بالالحان
ونباري الشعّار اللي يبارون
يوم الاعادي بين مطرق وسندان
واحنا نشب النار نرقص على لحون
- النادية
***
يامرحبا والصوت دانٍ على دانٍ
غنت لحون الشوق والحُب مرهون
الطيب يفخر والوطن صار بستان
والخير يمطر في سما الود والكون
- نورة الجعيثن
***
يوم اقبَلت بالجو من كل الاركَان
ظن العدا سهلٍ علينا يكيلون
يوم ابرقت بالحَد والحد مليان
حسوا شمال الرعد وشلون بيكون
- مشاعل المَشعان
***
حنا ليا خضنا الوغى جمع فرسان
دستورنا القران والشرع قانون
وجيوشنا لا ثار للحرب دخان
يسعون للموت الحمر مايبالون
- شواهق نجد
حنا دعاة السلم في سر واعلان
موحدين الصف والامر موزون
فيناالولا والحب من قلب ولسان
وحـسّادنا مـافرقـونا ويـبطون
- مريم الزهراني
***
تزيني يادارنا والفعل زان
وتوشّحي ثوبٍ من العز به لون
دقو نفير الحرب والنصر برهان
انتم على غالي ظنانا تمونون
- ظلال الوايليه
***
قدنا العرب بالسلم من غير عدوان
ونقودهم بالحرب معنا ويمشون
ماهمنا ايران واتباع ايران
واللي على نهجه بالاحقاد يسعون
- ام الفهد العتيبيه
***
أثارة الهيجا على العز تكفون
خله يسلم بالوطن كل شيطان
ترى التضامن عز وانتم تعرفون
لا يخترق لصفوفكم كل خوان
- بنت راشد الوايلية
***
حنا الجيوش الصامده لابدا شان
واللي يعادينا له الموت مضمون
نرخص نفوسٍ مانحسب لها اثمان
حنا الجسد وملوكنا رأس ومتون
- عزيزه ال ثامر
***
جيناك يالحوثي وداعش وطهران
جيشٍ يدك الارض والسيف مسنون
يخسى عــدو الله ويـذل ويهـان
ناطا على راسه ومن مثله يخــون
- حنان آل فاضل