ابدأ بذكره خالق الأنس والجان
الواحد المعبود في سر وجهار
أرجيه ربٍ فاهمٍ بأمر الإنسان
يضفي عليك العز ويذل الأشرار
يا خادم البيتين سمّيت سلمان
فيك الرجا والخوف والعز والكار
أمرك صدر نفّذ بحكمة وباتقان
العاصفة هبّت على خاين الدار
ما همك الحوثي وصالح وطهران
همك ومقصودك على نصرة الجار
قلت أبشروا بالعز يوم القدر كان
والمملكة من دونها تقصر اشبار
عبدالعزيز اللي جعلها بالأوطان
ما مثلها بالعز في كل الأمصار
والجيش من دون الوطن فيه ظفران
يردون حوض الموت لو صار ما صار
وجيش الخليج اللي حوى كل شجعان
أفعالهم بانت بجندي وطيار
يابن الذي فايز على كل ما كان
عبدالعزيز وتفهمه كل الأقطار
ابي السموحة كان بالقول نقصان
وختامها صلوا على سيد الأبرار
- إبراهيم بن ناصر الفايز التميمي