يللِّي بْزود المال تفخر والاسْراف

الليّ عطاك المال يقدر يزيْلِه

قارون مالِه والسّلاطين واسْلاف

مافكّهم من موت مافِيه حيلِة

مافي ضميْرك خوف عدْل ٍ ولا انصاف

في هالزمان اللي عْجافِه طويْلِة

ماخفت من حوْبة مساكين وضعاف

جياع تحت القصْف صبحِه أو ليلِه

شِف في مضايا الشام طفلٍ بلا الحاف

ما باقي الَا عظام عجْزت تشيلِه

مازاد عندك سِرْ من دون مايشاف

عَطْه الفقير اللّيّ همُومه حصيلة

دليل ماقِلناه بآيات الأعراف

في مُحكم التنزيل واضِح دليلِه

أهْل اليدين اللّي كريمات وانظاف

خيْرٍ من اللّي مسْرفات أوْ بخيْلِة

فهد بن عقيل الطويان - بريدة