من يوم ميلادي وأنا دمعتي دم
ما يوم حسيت الهنا والسعادة
تطردني الفرحة ويشريني الهم
ما يحتمل صبري قوي الإرادة
أسهر بلا قمرا وأغني بلا فم
قصايدي نارٍ وقلبي رمادة
أجامل الناشد عن الحال وأكتم
والناس تحسبني صديق الوسادة
قالوا ترى من خاف لابد يسلم
خفت الحكي لين أصبح الخوف عادة
أضحك وأسولف وأخفي الجرح وأندم
دين الزمن عجزت جروحي سداده
حلمي تبخر بأول العمر ماتم
عشرين عامٍ عايش في حداده
واليوم كيف أصبر وروحي تألم
والقلب يبكي ما تحقق مراده
يرحمني اللي ماملك قلب يرحم
شاعر جريح يحزنك بارتعاده
ما يوم عن ظلمه شكى أو تكلم
هايم ينادم وحدته وانفراده
- أحمد الجريفاني