العين تشكي السهر والصدر يشكي الهموم
وانا اشتكي من غرابيل الزمن كلها
ياطير لاوهنيك لك جناح وتحوم
وان عفت من شجرةٍ ماجيت في ظلها
وإليا جفتك الدير لو الك فيها لزوم
انهض بصدرك وجنحان السعد فلها
العلم ياطير لو انك تصير محكوم
وانته تبي حاجةٍ وازريت تاصل لها
العافية والسلامة للبشر ماتدوم
والروح ماعاد تدري ويش باقٍ لها
يامطلق الطايعي ماينفعن العلوم
كم واحدٍ حاول العقدة ولا حلها
ياشين طول الصبر ياشين لفح السموم
وياشين دمعة كبير القوم لاهلها
هذا زمان الحنادي والرخم والرخوم
تبدي تباشيرها والوقت صافٍ لها
والله مهما يطيح الحظ والا يقوم
اقول عز النفوس اخير من ذلها
- متعب بن مثعي الغربي رحمه الله