ادعم وصالنا لو باتصال
حاول البعد مايثّر عليه
يربط الناس بالناس السؤال
وأنت بالناس ما مثلك شبيه
صوتك العذب وإسلوبك خيال
يدخل القلب ويحصّلك فيه
لو قبالك وشوفك لا يزال
مثل بكرة ليومي وأرتجيه
حلم والحلم يعطينا مجال
والأمل يرحم الله والديه
شي لولاه ماعشنا ليال
يحتوينا مثل مانحتويه
ليت مافيه بالدنيا محال
ليت (لا) في زمنا كانت (إيه)
كان ماكان ياسمح القبال
كل ماكان عكس اللي نبيه
انقسم كل قلب بكل حال
وطال هجرك تقاسيم الوجيه
ادعم وصالنا والا تعال
نذبح الحلم ونصلي عليه
- سلطان مطلق الشتيلي