ما يجتمع حبٍ معه صد وبعاد
احسن نروّح نفترق عن بعضنا
دامك تقول ان السبب حسدحساد
نصبر على مقسوم ربٍ عرضنا
وش عادلوماجا خطا منك وش عاد
سنين عشنا امال زادت مرضنا
على الامل ياما صبرنا ولافاد
ولو استمر وش مكسبي لوفرضنا
نبقى كما كنا والاوضاع تنعاد
ما صار شي ولا تحقق غرضنا
انته ونا ماعشقنا عشق ميعاد
صنا العهود اللي عليها احتفضنا
نبغى مواصلنا على روس الاشهاد
وعيا نصيبي ما نفع لو ركضنا
كني مقيد عن مواصلك بقياد
حتى الزمن من دون وصلك رفضنا
ماني على فرقاك راغب ومنقاد
لكن عجزنا نجتمع مع بعضنا
- فواز الفالح