قمر
ما عليها ولو قالوا قصيرة جديل
من غلاها القلوب تهج بيبانها
دللوها قمر نجد الغزال الثقيل
برقوا في مناسبها وجدانها
* *
وصال
حبيبتي مالك جروحٍ واقول أبري
ولا لك دموع في شكواي واهدابي
يا ما دقايق وصالك طولت عمري
وياما الشتا في يديني من يدك ذابي
* *
ذكرى
لوما سليتك ما نسيت وتذكرت
ولو ما انجرحت من الجفا ما بريتك
للغيث دارك لو قسيت وتكبرت
يا اللي كتبتك من غلاك وقريتك
* *
وصال
أنت وصلك يذكرني غيابك
والمرايا تبيك بلا خشير
الوله جابني والليل جابك
له على القلب معروفٍ كبير
- نايف صقر