قفن بنا شيب الغوارب مزاليف
عن دار مجلي الثمان الرهافي
قفوا عليهن يلعبون الغطاريف
وانا أتعجب كن مابي خلافي
أنا خلافي لا جيٍ بالسراجيف
باسباب مجمولٍ تخلف خلافي
ياما زما من دونهم من حجاريف
بيدا صحاصيحٍ شعاف ومهافي
بيني وبينه يهرف الذيب ويقيف
ويزعج ثلاث أصوات عقب الهرافي
من البعد بذنه سهال هفاهيف
وحيفانها منها اصبح الذيب حافي
علمي بهم بالصيف واليوم بالصيف
هذا شهرنا العام يالله تكافي
يالله تكافي شين فرقى المواليف
أيضا دخيلك عن سلوم متعافي
- سويلم العلي السهلي