يا ويل من رقي المراقيب عنّاه
والى رقى روس المراقيب صاحي
يجر صوتٍ يفجع اللي توحاه
بلاه يوم ان العزى منه باحي
ذبحي إلا شفت المبيسم وحجاه
ومهدباتٍ مثل ريش المداحي
والخشم سلة هنديٍ كنه إياه
مجهزٍ يعبا ليوم الذباحي
وزميّمه في عالي الخشم يزهاه
كنه زهر حوذانةٍ يوم لاحي
واليا تبسم كن واضح ثناياه
برد قنوفٍ هل وبله وطاحي
والله يالولا خوفتي من دناياه
إنه يجي بيني وبينه ذباحي
ياويلكم يا اهل الهوى منه ويلاه
وقلوبكم له بالمودة صحاحي
- سعد العجاجي (رحمه الله)