الموضوعات الأكثر
نبتدي بالقول وابيات القصيدة نبتديها
بالسلام ورحمة الله عد همال الغمامة
في بلدنا امنين وكل قمة نرتقيها
السعادة فالقلوب وبالوجيه الابتسامة
نعمة تشمل جميع انحا البلاد وساكنيها
تحت حكم اخوان نورة ثبته ربي وأدامه
عز شعب المملكة واصحابها ومجاوريها
باذن ربي مايذل اللي هل العوجا حزامه
راية التوحيد تفداها العمار ونفتديها
بيعةٍ بارقابنا تبقى إلى يوم القيامة
ومن طرا له يقترب لحدودنا والا يجيها
والله انه ما يصيد إلا الخسارة والندامة
النفوس نبيعها وقت الخطر ما نشتريها
نرخص الأعمار في وقت الخطر عند احتدامه
النصر وإلا الشهادة ما نريد الاحديها
موتنا بالعز خير من الحياة بلا كرامة
والمريض اللي شعوره للوطن فيها وفيها
ماله الا كيةٍ بالنار تبري له سقامه
في ذرى سلمان زيزوم البلاد ومحتميها
قايد يكتب له التاريخ صفحات الزعامة
اشهد انه قام قومة كل مومن يرتجيها
وقفته من طيبها تجلى عن الكبد الملامة
ارعدت بالحزم والقوة ولاح النصر فيها
وبلها يملي على الطاغي خضوعه وانهزامه
ضربة هزت كيان اهل الكفر ومعاونيها
لين صار الرافضي من هولها ترقل عظامه
من ولد عبدالعزيز اللي دروبه مقتديها
الرجولة والشهامة والبطولة والصرامة
ودامها بحماية ال سعود والله ماعليها
السعودي تحت راية حكمهم مرفوع هامة
- عبد الرحمن بن عبد الله العريفي