الموضوعات الأكثر
يابو فهد ياسيدي يابلهبان
يالقايد العادل الشبه الجزيره
ياجامعاً هيبه مَعَ طيبه وشان
يادولةً تامر ابّصر وبصيره
ياسيدي ماشافت عيوني انسان
من خلقت الدنيا ونبض السريره
انسان له يدين واثنينها ايمان
الا انت ياراع اليدين الطهيره
يمناك ابن نايف محمد كحيلان
ويمينك الأخرى محمد شويره
خذ الولاء يا سيدي سر وعلان
عاهدتكم سمعاً وطاعه وغيره
المملكة ياسيدي خير الاوطان
محفوظةً من كل نفساً شريره
من دونها شيب وشبابً ونسوان
الشعب كله من كبير وصغيره
لاصاح احد بأقصى جنوبك يانجران
جاوب صداه اللي شمال الحفيره
بالجو نفّاثه وبالأرض شجعان
سيلٍ يشق الارض قوة هديره
وبالبحر اساطيل وبواخر وربان
منظر يخيف اهل النوايا الحقيره
وحتى البني يابوي من دون حقران
وقت الشدايد نشتعل كالسعيره
ابشر ترى لو ماني بقايد اركان
اقودها وامش الدروب الخطيره
بي فورةً اقرب لها فور بركان
في لحظةٍ يدمر من الهول ديره
هذا الخبر ردوه لفلان وفلان
دون الوطن حنا سلاح وذخيره
نامي قريرة عين يادار الإيمان
ياديرتي نامي وعينك قريره
وتراني محسودة على ابياتي الان
يوم العدو مقهور ملعون صيره
وحطوا لي آخر بيت بالصحف عنوان
وذيعوه بالمذياع لاذاع اثيره
مداهيل