جاك الخبر يالنذل مشفوع بانذار
أكيد جاك، وخبّرت به (جهينة)
إن السعودي فوق هقواك باطوار
شموخ عبر اجيال متوارثينه
نصبر لزلات الموالي ولوجار
وان ضدّته (بقعا) نقوم ونعينه
ما نعضله لا صار مبلي ومحتار
لكن الى جاوز حدوده نهينه
دون الوطن يالهيس ما ناخذ اعذار
هذا الوطن تفدي شماله يمينه
دونه رجالٍ يشربون الدم الحار
ذا بالحدود، وذاك يحمي عرينه
الدار ما يرخص ولوصار ماصار
واللي نواه بشَرّ تبّت يدينه
جاك الخبر يا دولة الخزي والعار
بس البلا لا صار ما تفهمينه
ما (للخسيس وخاين الجاروالدار)
الاّ شبا (شامان) يقطع وتينه
هذا لسان الشرع ما عندنا اسرار
وهذا جزا اللي يخون شعبه ودينه
- محمد الشهري