تسلم يمينك يرحم الله جَدّها
يابو فهد ياسيدي مالك شبيه
خليت كل الفرس تاقف حَدَّها
واللي يضرّ المملكه لا ما نبيه
سنين مع طهران نطلب ودَّها
والفرس تحكمها خرافات الفقيه
جميع دعوات السلام تصدَّها
بالزعزعة للأمن بيدين السفيه
ماعاد فيه -اصبر - تَحَمّل- عَدَّها
وايران ماتفهم ولا فيها نَبيه
لاتشعلون الحرب ما انتم قَدَّها
حنّا لها والمعتدي نقطع يديه
وان هو تمادى بالشرور نهدَّها
من فوق راسه ثم نقلبها عليه
اللي عصف باسه عليهم رَدَّها
بالحزم ترجع فتنة الحوثي إليه
هذاك سلمان العروبة شَدَّها
بيديه وانقذها من النذل الكريه
وايران جنَّنها وبيَّح سَدَّها
وشلون طوفانه عليها تحتويه
بالكف من يمناه يصفع خَدَّها
تسلم يمينه سيدي ياشبه ابيه
- بدر البدور