رثاء في صاحب السمو الأمير سعود بن عبدالعزيز بن محمد آل سعود رحمه الله وأسكنه فسيح جناته

يارب ماعن دعوتك ستر وحجاب

ندعوك في وقت الرخا والمصايب

يارب لاتقفل لصوت الدعاء باب

للي رحل تحت الثرى والنصايب

ياسعود فقدك لوع القلب وأرتاب

حزنً يبكي مرزمات السحايب

مرحوم ياللي عن مدى شوفنا غاب

القلب من بعدك لك الله ذايب

عساه في جنة عدن زاك الأنساب

عساه في رحمة مدير الهبايب

كنا نتحرى للشفا جمله اسباب

والامر بيد الله عزيز الوهايب

وخذاك خلاق البشر رب الارباب

واقفيت عن عين الخوي والحبايب

ياكم وقفت لراعي الحاجه حجاب

وياكم فزعت بحل صعب النشايب

وكم فزعتاً هلت كم الغيث سكاب

منك انت بعد الله وكنت السبايب

من طلقة المسجون لعتاق الارقاب

ينصاك من تشكل عليه الطلايب

يابو هلا والشعر لرثاك ينساب

ويفقدك جزله يوم دور الحرايب

(حنا هزمنا الفرس) تثير الإعجاب

وكم غيرها من نادرات عجايب

يشهد لك التاريخ وحروف وكتاب

مايوم كنت بحضرة المجد غايب

علمك علم مشرف على راس مرقاب

تشهد لك الأجناب قبل القرايب

- عدنان بن عبدالله العبار