لو كانت الدنيا على طول حلوه
محد عرف وش لون طعم السعاده
بيني وبينك صار بالحيل فجوه
لا صار عمرك.. سد مامن افاده
ينخاف غزوك لا لفت منك غزوه
مثل الربيع ايخاف غزو الجراده
اضحك ولا تدري ورى الضحك بلوه
وانسان يبحث وين شط الاراده
ابحث ادور بين الاجناس عزوه
عزوة فكر.. لا دم.. ولا.. سياده
سجني ابفكري وسط فكري بخلوه
مرفوض فكري موت فكري شهاده
كم طير شلوه شفت ياطير شلوه؟
يبي يصيد الطعم والشرك صاده
فى قلب أي انسان للود نشوه
وفي بال أي انسان ذكرى وغاده
شرط الوصول لقمه الشي خطوه
وشرط انتحار النفس هجر العباده
قرناس يطلب للعمر بس منوه
وصقار صاده ..وا..خسارة هداده
وحصان دنق ..وانتهض راس فلوه
وسايسٍ ماعاد يبخص جياده
خلف حمود الخطيمي الخالدي - الكويت - أكاديمي كويتي وعضو برابطة الأدباء الكويتيين