يا ناس في سجّتي خلّوني لحالي
اقلّب أوراق وقتي واتصفّحها
البعد عن بعض ما يشغلكم اشوالي
بعض الخطايا تصحّيني واصححها
ياكثر تال الزمن لاغبت عذّالي
الفاظهم جارحه لو كنت ما اجرحها
الجرح الأقصى يدمّي جرح موّالي
ولا كل كلمه لخلق الله ابشرحها
سبحان من غيّر الأحوال باحوالي
تشين بعض النفوس إن جيت تنصحها
في محور العقل للأفكار منزالي
محوالها للخفوق يهد مطرحها
بركانها بالحنايا حامي الصالي
لاجات من جدّها صعبٍ ممازحها
ولا جيت ابقول ما يطري على بالي
تزعل علي اكثر العالم بناضحها
الصمت حكمه كذا قالوا بالأمثالي
وشرهات الاعذار لو كثرت ماصافحها
اللّي بلونا عسى مال ارثهم تالي
شذّابة المعرض الله لا يسامحها
- حمد الأسعدي