الشيب لاح وشفت بعض المواري
ويالله عسى في غيب الأيام خيرة
وانكفت من طرد الهوا في الغداري
وربي عسى المولى يغفر الكبيرة
ويالله بسترك عند يوم العواري
ومحي الذنوب اللي مضت والجريرة
ومضت سنين العمر مثل الذواري
واقبل خريف العمر مثل البريرة
وشربتنا حلوٍ وشفت العزاري
واخذتنا درسن على أحسن بصيرة
ولبستنا عز ولا نيب عاري
ولا خير في اللي ما يقود المسيرة
وأفعال جداني عليها أماري
تشهد بها الركبان وأهل الجزيرة
واآطى على العدوان ولا نيب داري
ومن القهر شافوا نجوم الظهيرة
وعندي لهم فعل سريع الطواري
حقر انهم دايم وبيضاء السريرة
وارد على عدٍ بشعر وضاري
وأعرض الحساد حامي السعيرة
وبان الكلام وبان ماكان طاري
والشر يحسى للوجيه الشريرة
- الشاعر/ سابر بن علي الدوسري