ينام الشعر في حضن الورق مرتاح
وكتّابه عيونه سهد سهرانة
ولا يملك لبابك يالصدر مفتاح
يفك الهم منك ويطرد أحزانه
يا بحر الليل ما في غبّتك سباح
غرق فيك المكان وذابت ألوانه
مداهيلك عتيم ومركبك أشباح
يغني الرعب معك بصادق ألحانه
تشرّبه المسامع والرجا ينزاح
من عروق الأمل وتيبّس اغصانه
مشاريه الجروح المشرط الجراح
تجاهلها الخفوق وطال نكرانه
سماه وقاعه ابلا وجهة ومصباح
مع أربعة الجهات وضل عنوانه
وش اللي معك باقي يا زمن ما راح
تنادي بالعدل وتخل ميزانه
يمرك شاعر وفي سلته تفاح
ويفقد.. سلته.. ويديه.. ولسانه
- أحمد تميم