حنَّا مدابيس الوغى حنا مقابيس الظلام

واللي يقف بنحورنا ما جابته أمّه

المملكة دار الوحي المملكة دار السلام

والمملكة هذا قدرها دوم في القمّه

والمملكة ام العرب المملكة ام الكرام

وقم انشد التاريخ عنَّا خوذ من فمّه

حنذا تعودنا على فعل الندا قل الكلام

واليا تكلّمنا على موضوعٍ انتمّه

حنذا مبادينا الشيم ونحب دوم الاحترام

واللي يعيل نتوّبه ينسى حليب أمّه

أعمارنا من دونها وأرواحنا برد وسلام

نتحنا بالدم الحمر من دون هالأمّه

سَلِّم على سلمان بن عبدالعزيز ابن الامام

اللِّي تجلَّى بالندى والحزم والهمّه

أشر لنا يابوفهد والحرب نلبس له إحرام

نلبس حرام الحرب ثم نحج ونتمّه

بقيادة اللي لا طلع استل جنحانه وحام

سل الطير الأجرب اللي راعف سمّه

ومنه تسمَّى بالرسول الهاشمي نسل الكرام

لابد ما يظهر نباه ويصعد القمة

محمد النايف سطع ثم خافت نجوم الظلام

ومحمد السلمان فعله شيَّش الأمة

سلّم على سلمان بن عبدالعزيز ابن الامام

اللي تجلّى بالنداء والحزم والهمّه

حنّا مدابيس الوغى حنا مقابيس الظلام

واللي يقف بنحورنا ماجابته أمه

- بندر الشدادي