يامن سكن خافقي حبه وتقديره
من دون لاماه دنيا العمر ماتسوى
اليا غلط يعتذر واقبل معاذيره
الله رماني بحبه والهوى بلوى
لو تعطش العين وتميز تعابيره
تبطي وهي تنظر عيونه ولاتروى
الله عطاه التباهي ماعطا غيره
اهواه من هو يرد القلب لايهوى
الوقت يازين ترميني مقاديره
والصدر من زفرة العبرات مايقوى
درب الهوى في القصيد يزين تصويره
حيث القصيدة تبيح السر والنجوى
ابد الحياة الجديدة واترك الغيرة
عسى صحاف الحياة الماضية تطوى
- محمد الفالح