ما يدرك الطيب غير مجربٍ من مبعدين الشبوح
الطايلة ما يفوز بها الردي جعل الردي للذهاب
المبعد اللي له النمة غبوقٍ والخيانة صبوح
جعله فدا للرجال اللي يحثون النضا بالعقاب
- راشد بن جعيثن
الشهامه كواكب والكرامه سما
طرزته النجوم بكل فخرٍ وطيب
سكة المرجلة رمضاً وراها ظما
في نهاية ظماها يكتب الله نصيب
- حمود البغيلي
امشي مع الطيب على كل الاحوال
اللي علوم المرجله في قباله
امشي معه وافخر بممشاي لا طال
على الشرف متعليٍّ في جباله
- نهار ممدوح
إليا تجاوز عمر الإنسان ستين
زرعٍ يبس ما بقي الا حصاده
يا رب عفوك يوم نصب الموازين
وينطق لساني قبل اموت الشهادة
- فهد بن هجاج الحربي