انا البارحه سجيت مع هيض الاعماقي..

من الساحل الغربي للاحواز وجباله

مابين الغروب وبين حزات الاشراقي..

علي الطواري بالهواجيس منهاله

نسيم القصايد يطرق شعور الاشواقي..

وبنات الفكر مع سيحة البال مختاله

على شان جده فز ياعمير خفاقي..

للاجيال عن جده ترى عندي رساله

يقولون حوا في كنفها لها باقي..

عقب ماهبط فالهند ادم على فاله

لها يتعب الاقدام من بعد الافراقي..

ولعيونها يرقب سنا البرق واخياله

وشال الحجر ثم جاك بالعز منساقي..

كريم الحجر بامر الولي جاك مشتاله

البيت العتيق اللي به الحاج والساقي..

من الهند لركانه ترى ادم تعناله

عروس البحر مصياف ذربين الاذواقي..

تحت راية معزي لقى الشعب مدهاله

على سيفها تختال ساميت الاخلاقي..

عيون الغضي برماح الاهداب قتاله

تبختر على شاطيه مع كل براقي..

ولاجا بحرها ضايقٍ ينشرح باله

بها حاظر التاريخ بالخير سباقي..

تطور به العمران والعلم واجياله

لجل نهضت التعليم شامخت الافاقي..

تعانق خشوم المزن بالمجد ورجاله

تفاخر به الفرسان واطوال الاعناقي..

بنات الوطن مع صهوة العلم خياله

وحد الوطن من عقب شطات الارياقي..

تذرى به المضيوم عن جاير احواله

يسيل الندى بطراف دانيت الاوراقي..

هديل الغصون اللي تسابل على جاله

واختام القصيده عقب سجات الاعماقي..

على المصطفى صليت ياكاسب الطاله

- محمد بن خالد القسامي