العمر يفنى والليالي سريعة
والوقت ماهو للمخاليق دايم
والآدمي لو عاش يصرم ربيعه
لابد ماترجع عظامه رمايم
يالله بعفوك ياعظيمٍ نطيعه
رحماك يامجري هبوب النسايم
لا قالوا ان النفس عندك وديعة
لطفك وتدري بالذنوب الجسايم
عشنا وشفنا بالزمن والطليعة
عجايب الدنيا تزيد العظايم
احدٍ يجي ذكره براس الرفيعة
واحدٍ ماهوب لمنهج الطيب رايم
واللي بذل جهده بمايستطيعه
وبطاعة المعبود والخير قايم
يكسب رضى ربه ويحسن صنيعه
ويعيش ما لحقه من الغير لايم
- نواف بن محمد الصخابره