آه يا سهل المفارق كلمةٍ والموت معنى
كنها روح تفارق روح في أول سنينه
آه لو قلت المواجع كان مل اللي سمعنا
دام من كثر المواجع مل قلبي من ونينه
صدقوني من يضيع الحب والأحباب ضعنا
لو نكابر للأسف تظهر ملامحنا حزينة
لو يطوعنا الزمان المر للأحزان طعنا
في النهاية هو يطيع الوقت والا طايعينه
من يبيع الحب لو نقدر نرد الجرح بعنا
لكن اللي يصدق بحبه يعاني من حنينه
آه يا كثر القصيد اللي جمعناه وجمعنا
وش يفيد الشعر روحٍ فارقت أغلى ضنينة
لو سألنا الورد عن جرحه إذا منه قطعنا
كان ردت في غضب في كل غصنٍ يا سمينة
يذبل الورد ويموت ولا يموت ابشع طمعنا
لو قتلنا فيه روح الحب نبقى عاشقينه
فالنهاية في فراق اللي نحب الفين معنى
اختصار.. الموت واستعجل وجانا قبل حينه
- مها الشمري