كلنا قلب واحد للوطن في سنينه
قلب ينبض بحبه من سماه لسهوله
من جباله لبحره بالدما مفتدينه
من رجال لنساء ومن شباب لكهولة
لا عصف كل عاصف كلنا ساكنينه
أمن داخل حدوده والخطر دوم حوله
وبزمان العواصف من يقود السفينة
غير ابوفهد سلمان الحزم والبطولة
المليك المفدّى جعل ربي يعينه
الفكر والسياسة والعزم والرجولة
فارس ٍ لا تعزوى والعرب عارفينه
بالميادين تجري للمعارك خيوله
يوم جاره طلبها ما تردد بحينه
قال عونك وحنا للبطولات دولة
قادها حرب تاكل كل نفس ٍ هجينة
من وطنها تبيعه بالثمن والعمولة
نفس من باع شعبه والخيانات دينه
سم يجري بعمره ينتهي به فصوله
من يخونك بلاد النور تبّت يدينه
ماله الا شطير السيف ينهي ذهوله
كلنا قلب واحد مع يدين ٍ أمينة
قلب واحد بحبه مع هواه وميوله
بدر البدور - القصيم