الموضوعات الأكثر
بين الشاعر مطلق الثبيتي -رحمه الله والشاعر شليويح بن شلاح المطيري:
مطلق:
ياشليويح المطيري على راسك تحوم
وحده ياذيب ماانته بسالم شرّها
ما ينجيك العصيمي ولو انه يقوم
والكبود السود لازم تموت بحرّها
شليويح:
شايبٍ راسي من الهوش واهواي السهوم
جرها من زندك اللي يشرر جرها
خابرينك لاوليت العرب ماانت برحوم
مير مابه ناقةٍ تحتلب من درّها
مطلق:
لك ثلاث أيام تعبان تحسب فالنجوم
والنجوم بعيد ماهي فلوس تصرّها
مابعدها يالمطيري يقع فرك الخشوم
يالله الزم بحرها قبل يغرق برّها
شليويح:
يوم أحسب حساب ماني بحاسب للرخوم
والضعيّف لويمر العرب ماضرّها
ما عرفنا يالثبيتي متى حظك يقوم
والخواجه جاب دشداشته مازرّها
مطلق:
تشتري سيارةٍ مالنا فيها لزوم
الضحى اتدفها والعصير تجرّها
ادعج العينين ماهو من الكحل محروم
ميرهات المكحله للعيون وذرّها
شليويح:
ادّرق فاللآبه اللِّي يصكّون الخروم
لا تعرض شوشتك للعرب وتعرها
لو يزيد الكحل في عين حانيت الرقوم
مايضر عيونها كل يوم يسرّها
مطلق:
طير ابن برمان قلّه علينا لا يحوم
كل شربه ذايقن حلوها من مرّها
ياوسيع المعرفه جعل ستر الله يدوم
والعلوم الباقيه يالمطيري سرّها
شليويح:
انت اظنك تشوي الصقر يالرجل الغشوم
والعرب تقنى صقور اللحم وتبرّها
لو نباك تصوم عن بعض الأشياء ماتصوم
والروابع تخلف اصحابها وتغرّها