يا الله بنوّن لا نشى بارقه حي

فيه الرعود وسامراتن بروقه

من يمّة القبله على الدار ينشي

أطلب على دار الحبايب يسوقه

لا وصل خيل وقف ما كنه يمشي

سيله جرا قدام موقع حقوقه

أرعود وبروقن ووديان تجري

يمر السدود وسيلها ما تعوقه

يسقي أديار اللي نحبه ويدري

سوالفه نفسي عليها شفوقه

أسواتٍ طيرٍ تاق والصيد مقفي

يكفخ ولاكن جودنّه أسبوقه

قام ايتلمّع ما حصل ذي ولا ذي

إنما جزع يصبر بقلّت أوفوقه

وقتٍ ولا طاول لغيري ولا لي

عجلن غروبه عقب مبدا شروقه

يالله يا لمطلوب ما غيرك أرجي

لطفك بدربن ما جعلنا طروقه

من لا يطيع الله فلا يعتبر حي

لجل العمل كل العباد مخلوقه

ومن لا رحمه الله فلا في يده شي

يلوم نفسه لا قصر في حقوقه

الشاعر/ غنام مسعود القريني -نعام-