الليل انا ساريه والصبح انا سارحه
اتبع سنع ناس غيري ماتبعت اسنعي
اصابح الهم والهاجوس وامارحه
لكن تدرين ياصفوة هجوسي دعي
عواطف تترك الاعدا علي فارحة
وصكي عليها بوسط الصدر لا تطلعي
ياليتني ماسمعت الكلمه الجارحة
ياصاحبي بسألك هل كلمتك من وعي
اشووف ماكن شي قلته البارحة
وانا من البارحة تاكل وتشرب معي
ياليت ماصار بيني وبينك مصارحة
وياليت مامرت الكلمة على مسمعي
اصبحت كن الجبل ربي علي طارحه
من هول ماقلت يوم انك علي تدعي
ياللي لعينك صخرت افكاري السارحة
لاقيت بعد الغلا على يدك مصرعي
قد كنت يامبهج اهموم الصدر شارحه
واليوم خليتني اعض راس اصبعي
لكن شكلك نسيت الكلمة الجارحة
وانا من البارحة تاكل وتشرب معي
- عبدالرحمن بن بديّع