أدري الى من الظما شرب مافيك
تجي عليّ معوّدٍ ترتويني
كل الدروب نهايتينٍ توديك
اما بحضن القلب والا بعيني
دايم تزعلني وأنا دايم ارضيك
مافيه فرق اجيك والا تجيني
طبعك تولعني وانا طبعي ادفيك
الفاس فاسك والحطب من سنيني
طبعك تعطشني وأنا طبعي ارويك
هذي حلاة الحب بينك وبيني
زعلان ارحب بك وراضي احييك
غلاك موضوعٍ طلع من يديني
مهما تسوي يابعد حي مغليك
اما عذرك القلب تعذرك عيني
- مساعد المرزوقي