هلا كثر الكلام وكثر ما في هالحياة اجناس
هلا كثر السرور اللي بشوفتك ايتهاداني
هلا من شاعرٍ قصر المعاني بانيٍ له ساس
بنيت الك الجواهر ياحبيبة عالمٍ ثاني
أميرة تسكنين افخم قصيدي وان خذاك نعاس
لك احساس الخفوق وشاح نامي وسط قيفاني
هلا ليلٍ ضحوك الشعر له في ليلنا أنفاس
يشّرع بالقلوب المقفلة للعيد بيباني
تضج آبه العقول المتعبة ترياق مثل الكاس
تناجي فيه احاسيس الغرام احلام واشجاني
هلا نجومٍ غدت بالليل تطرد رايق النسناس
تهيم مع الفضا بحضرة قمرها العالي الداني
هلا وردة مسهرها نداها والورود احساس
يوشوشها النسيم وتمنحه عطرٍ وريحاني
هلا غيمٍ نشا من شام برقه بالدجى قباس
هلا بريح المطر جا مع هبوب الريح واحياني
أنا ماهمني لاجيت لو غابوا جميع الناس
مدامك كل ناسي والصديق وكل خلاني
هلا باللي لها عيوني على ابواب السهر حراس
هلا كثر السرور اللي بشوفتك يتهاداني
- سعد الحميداني