الموضوعات الأكثر
عاد عيدك ياوطنا ومولانا حماك
وعاد عيد اللي على المجد والجود اسسوك
ياوطنا كل من جاك يهنى في ذراك
عايش بفضلك وبامنك وملجى من نصوك
ياوطنا كل حر تربى في رباك
وكل عالمنا المعاصر بوقفتك اشكروك
ودام عزك ياملكنا عسى كلش فداك
يالامام العادل الشهم ياخير الملوك
ونايبك رام المعالي ويمشي مع خطاك
هيلعيٍ ثابت الجاش وحجاجه ضحوك
يامحمد منصب النايب الاول زهاك
مثل ما قبلك زهى العز عمانك وابوك
عاد عيدك واسعدالله صباحك مع مساك
وارحم الله والدين للامجاد انجبوك
نجمنا اللي بالكواكب يقدينا ضياك
ثابت مبداك حزات دورات الفلوك
يوم داع الطايلة والشرف قام ودعاك
قلت له لبيه ياسيدي لا فض فوك
ياوسيع الصدر بالقدر عالي مستواك
مفرح بالطيب شعبك وملجم من شنوك
ياحجى بيت الحرم درع دارك عن عداك
يازعيم الامن من حد نجران لتبوك
مدتك تغني كما الغيث في نو السماك
يارصيد اللي قليل رصيده بالبنوك
تنبت زهور الفيافي على نفحة عطاك
وتفرج هموم لمن جوك والا من نخوك
فيك من نايف صفاته ولافيك ارتباك
والسباع الضارية سلمت قدمك بروك
وان حصل بالبر والبحر والجو اشتباك
جيشنا له قايد حر مافيها شكوك
وياوطنا ذعذع العود الازرق في سماك
ورفرف البيرق ضحى العيد عاشوا من حموك
- المقدم/ باني بن عبدالله البقمي