لا لاح بارق وصالك وانورت به سماي
قلت ارحبي عز والي كل برقٍ سرى
واليا سقيتي بمزن الصوت صحرا ضماي
وانا قصيدي ثمر غربهة وهمي ثرى
رحبت بك لين ردد كل جرحٍ معاي
ارحب ياغالٍ بعد فرقاه حالي برى
يابنت شيخٍ لرايه ينحني كل راي
والخيل تسري على رايه وفي ما يرى
البارحة والوصال الحان والجرح ناي
عزفت لليل (شف حبه بدمي) جرى
وجيتك غلا والاوادم كل ابوهم وراي
مااشوف احد غيرك الا كل ما انظر ورى
جيتك اقول الهوى قسمة واقول لشقاي
ياهل ترى تضحك الايام ياهل ترى
هذا وانا مستبيح ادواي لعيون داي
واسقيت بالدمع طيفٍ في خيالي طرى
وآمنت بإن الموادع موعدٍ جاي جاي
وان الشعر ورث من يكتب لمن هو قرى
وكانك سألتي ياشيخة في العمر وش عزاي
فانا وهمي نعزي بعض فيما جرى
واليا سألتي ولاك لمن باقلك ولاي
للنفس ماتنعرض في سوق باع وشرى
ياشاعرة لاشعرتي بان وجودك معاي
غلطة افغيبي ولا من شاف ..لامن درى
وانا باسوق الركايب لين تلحق مداي
واما لقيت اقصرا والا بلاش اقصرا
- وبران اليامي