لفيتك .. ضاق بي قلبٍ جفى كل الجروح وجاك
نسى كل العذاب اللي مضى وانكف على شانك
لفيتك والخفوق اللي نسيته ماقوى ينساك
ابد ماخانك إحساسه ولا فكر بنسيانك
عصتني فيك نفس ٍ يا حبيبي ماقوت فرقاك
ولا طاعت بك العقل الفهيم وراي هجرانك
عزاها الليل لا روّح يجيبك طيفك وطرياك
وقصيد ٍمن عرفتك يا غلاي اكتبه من شانك
غضب لحظة وقسى لحظة وصرخ فيني انا اتحداك
إذا في يوم مريته ولا اهتزيت عنوانك
وصدق قلبي خسرت المعركة بدري ولا يخفاك
من اول جولة ٍ بالعِنْدّ كسبت وفزت برهانك
ياهو جبّار قلبك يا حبيبي والقسى مبداك
ولا يهمك شعور المبتلي من بين خلانك
- منيرة القحطاني