وحيد ما ادري من اللي عاد يفقدني
إن رحت للناس وإلا أوغلت بغيابي
مرت ليالي وشيٍ بالحشا يدني
يدني ويدني وأنا عايش على اعصابي
يا سيد القلب لو ماكنت موعدني
ماقلت لك علق الضحكة على اهدابي
وعن دمعة القلب تكفى لا تنشّدني
باسبابك الحب, والحرمان باسبابي
أهديت لك,وانت بفراقك تهددني
ماتدري اني رميت القلب لاحبابي
بفراق الاحباب ما اظنه يساعدني
وان قلت الاحباب قال: أولئك أولى بي
ياسيد القلب من هذا الهوى زدني
مقدار مايرسم الخضرة على اعشابي
هذا انت ناوي على المجهول تفردني
ياللي ذخرتك لغدر أعداي واصحابي
إن كنت حتى انت في لاماك تحسدني
وشلون ذاك العذول اللي توصى بي
- نادر العماني