يا طيف المشاعر يا دواء الروح ما حنّيت
على اللِّي فواده من مناجاك متحفِّي
يمد الوصل وينادي بهجعته ما وحيت
تنام البشر ومتيمّك نومه يغفّي
خذيت السعاده يوم عن واقعي قفّيت
وانا من هذاك اليوم لايومك مخفّي
أعيش الأمل وردّد بداخلي ياليت
وانا من ملاقى حضرتك راقمٍ كفّي
لكني علي عهدي لو أنك علي أبطيت
هذي عادتي مع صادق وعودي اوفي
تجوّدت في حبال الأمل منك ما ملّيت
لو أني أعرف الحظ من مبطي مقفي
لكن لابغيت تعرف وش في سعد سويت
تسمَّع وشف كم شامتٍ في متشفي
اقوله بعد ما طال صبري ولك ناديت
لك الله مدري لا متى في متكفّي
- الشاعر/ سعد الشقحاء