يا حلم أنا في عالمي احياك يا حلم وابيك
ابيك عند المنتهى تكون ليه مبتدا
واببتديك بكل حلوك لا انتهيت اببتديك
ما بيك يا صوت الخفوق تكون رجعي والصدا
مليت أضمَّك بين ضلعيني وملّيت احتريك
ملّيت أنا كل انتظارٍ طال ما منّه جدا
يا دربي اللي يوم سرته ما تجسَّرت أخطيك
معذورة لنك خطوتي والدرب لك أغلى مدا
وشلون طوَّعت الخفوق الله عليك الله عليك
عذرك قبلته صاحبي هدا.هدا.هدا.هدا
والله مالك يا هوى في خاطري ندّ وشريك
ما به أحد في مهجتي دونك ولا غيرك حدا
لوكان قلبي فيه غيرك ما طرقت القاف فيك
ولا هيجن بذكرك ولا فيكم يرد ويقصدا
وش عاد يا قلبٍ يضمك من غلاك ويحتويك
وش عاد لو تجرح خفوقٍ ما يهدك للعدا
يا حلم أكره واقعٍ عيا يقرب مرتجيك
ويا صوت حسك هزَّني ما دمت رجعي والصدا
- ترانيم وجدان