نسيت تنساني وانا انس اني انساك
من لا نساني بالوفا ما نسيته
اذكرك تذكرني على ذكر ذكراك
تاقف حروفي عندها مستميتة
القاك تلقاني متى كيف لقياك
طيفك هو اللي بس جاني وجيته
كم لي على حد الخيال اتحراك
وكم حدني عنك العذول وعصيته
ولا زلت اسلي خاطري واتمناك
ياللي شبيهك بالبشر مالقيته
كن القمر مستنسخً من محياك
راع الهوى غنى عليه اوبريته
لولاك ما كنت اعرف الحب لولاك
حبٍ بنى من بين الاقواس بيته
ما شاركك بالود لا ذا ولا ذاك
كل الفواد من الوداد احتويته
أصلاً قبل لا تطلبه قلت لك هاك
واصلاً قبل لا اعطيك منت وخذيته
تعال أشد بكف يمناي يمناك
خل العذول يقول ليته وليته
- هلال عوض المطيري