رجال
يعدون من يلبس ثياب الرجال ارجال
وانا اقول فيهم فرق واضح ومارية
ولكن يبين الفرق بالقول والأفعال
حقايق تزيل اوهام ناس خيالية
* *
ترفّع
ابعد مجالي عن منقشة الاضراس
ناس على طق الاصابع تبلا
لي عن مسايرهم مسيره ونبراس
لين الكواكب في سماها تجلا
* *
احوال
لابد كل الكواكب في فضاها تغيب
ولابد عقب السكون الريح تلعبها
ياما خذت من رفيق له مجال وصحيب
الكل منهم تقول الدار ما طبّها
* *
أسرار
السد يبغى دروع كنزهم ما يضيع
دام الأمانة يهم الناس توديعها
ما كل حي تعده للسراير وديع
حيث إن طبع النفوس يغلب تطبيعها
- حماد بن مريزيق البشري