حبيبي بديت اذكر حلا ايامنا واجيك
بحلم الليالي واخذك من معاناتك
احبك واحب اللي بدا نبضه يسميك
خفوقٍ على حبك شفوقٍ ملاقاتك
اشوفك بنومي كل ليلة وانا احاكيك
واقابلك واخذ منك واقبل عتاباتك
اجي لك بحلم الليل ساري وافكر فيك
واهوجس ليامن رحت عني بنظراتك
حياة الشقا عقبك توشح بها غاليك
وسواد الليالي ينجلي با ابتساماتك
حياتي فرح في شوف زولك ولا اوصيك
على خافقٍ يفرح ويطرب بهمساتك
انا اغليك والله.. والله اني معك واغليك
ترفق بعين ٍ تسهر الليل با اسكاتك
واحب النسيم اللي يذكرني بطاريك
واحب الهوا لنّ الهوا في محاكاتك
- الحوراء بنت نجد