الشاعر الجزل - عوض القوانه - أحد أبرز الأسماء في الساحة الشعبية وصاحب حضور مميز في الحراك الثقافي والأدبي كصاحب تجربة متبلورة تماماً يخص - مدارات شعبية - بجديده الذي نسعد به:
يا بو خلف ذبلت سنيني وانا اورقت
حلم وأمل والوقت يا طول باله
يا فزعتي لاضاقت سنيني وضقت
يا محزمي ياللِّي ما أدوّر بداله
ما دام راسك باقيٍ لي مع الوقت
ما همّني ميل الزمن واعتداله..!
انت الصديق اللي في بالي ليا رقت
واليا التوا حبل الرشا بالمحاله..
أشيل من حمل الزمن فوق ما طقّت
وأسعى لكسب المرجلة والجماله
آمنت بالله يا صديقي وصدقت
ان المراجل ما تجي بالسهاله.!
يا كثر ما حتجت وتمنيت واشتقت
ويا كثر ما خاويت صبري لحاله
راسي سما ماقد حنينته ودنّقت
الاّ لرب البيت جَلّ جلاله
غفيت عمر ومرّت سنيني وفقت
واليوم اشوف الحلم شدَّت رحاله
يا كثر ما باقت بي أحلام ما بقت
طبت ومعاي الوقت ما طاب فاله
الشاعر: عوض القوانه