غابت عيونك وانتهى الوقت لاهي
يا زحمة الاعوام فيني بطاريك
حمل العتب قيد الصدر في شفاهي
سلّم ترى حلو الحكي منك يكفيك
ولا جفا بين الحبايب تباهي
والله مابي منك غمرات تشكيك
وأقرب دروب الود واسأل متى هي
ابغيك جاوب حس الأشواق أبغيك
واتنفس العشق الذي جاك فاهي
تدري أنا كلي أموت بمحانيك
تذبل على شح العطا بالسواهي
وتدري ورودي يانعة بين أياديك
تشرق بنورك في حروفي وجاهي
وتدري بأن الصبح شمسه تناديك
وكل الثمر من دون وصلك تناهي
ما طاب حرثي لو حصاده بيلغيك
شفني تغديت الوله وانت ساهي
ما عدت أنا أحمل هامة العز وأعطيك
قرّت عيون وعين طاحت بصاهي
والله أنا أحسد ناسك اللي حواليك
ولاعرف عنق الغلا بانتباهي
جمرك تحدى حر الأرواح ينفيك
لك يعتمر ثوب العنا والرواهي
مرفوع شانه وان بقى مايخليك
خلك حقيقة قي حضور اشتباهي
في زحمة الأشواق كلي يناديك
- بوح الحنين