حاول تكون إنسان هادي على طول
من شان تصبح طول الأيام مرتاح
العذر خله بين الأصحاب مقبول
دام الخطا وارد وكثر العتب طاح
لا تفرق المعقول والغير معقول
هذي هي الدنيا بها حزن وأفراح
ان كان قلبك بعض الأحيان معلول
ليل العنا عقبه ترى شمس الاصباح
كل المشاكل خل به عندك احلول
انس الألم والعود لو يحترق فاح
دام القدر في مقبل الوقت مجهول
كثر الندم ما ينفع العمر لاراح
دام الأمل في كل الأحوال موصول
اصبر مثل رجوى المطر عند فلاح
- صقر السلوة