عُهِدَ عن أبناء المملكة العربية السعودية العلم الأكاديمي، والثقافة العالية.. والشاعر عبدالعزيز الحماد صاحب حضور مميّز في الحراك الثقافي والأدبي، ويحمل درجة الماجستير في تخصصه؛ وفي هذه القصيدة يخاطب الدكتور سعود العطوي:

كلٍ تجمّع من صديق وعشيرة

يشارك الفرحة وبالقلب مسرور

جينا نشارك هالوفود الكثيرة

بني عطية فعلها دوم مخبور

مرحوم يا شيوخٍ مشوا بالمسيرة

ثم قادها فرسانهم خيل ومهور

ذكر بنوه بفعلهم بالجزيرة

مثل الشمس لا شعشع الضو والنور

واليوم هذا النور ساطع سعيره

نال الشهادة ولقب سعود دكتور

قبيلتك تفخر بمثلك ذخيره

همّة شبابٍ تجعل الصعب مدحور

حطّو لهم بيرق يرفرف هديره

واللّي يريد المجد يكتب له اسطور

الله أمرنا الدرس واعطانا سيره

سيرة نبياً أنكر الظلم والجور

هذي مضاربكم تحاكي أثيره

تسمع صداها حرّة طبيق مشهور

وبين السحاب وعشق زيته مثيره

قصة وفاء بقلوبكم دم محفور

يا أهل الركايب هلّلوا بالشعر

الدين واحد شرعنا اليوم دستور

وسلومنا حنَّا القابيل غزيره

خوينا نفديه بالروح ونحور

يا مكرمين الضيف صافي غديره

الحيل ويّا البن والهيل مزبور

وختامها صلوا من الله نصيره

عدد ما طاف بالبيت حجّاج ويزور

- الشاعر: عبدالعزيز الحماد