انا بنظم الشعر ما كان لي غاية ومقصود

لكن حب الوطن يفرض علي نظم القصيدي

حيث ان حب الوطن واجب على الانسان منشود

والواجب اللي علينا للوطن ما له حدودي

واليوم راحل عن ارجاء الوطن رجال مفقود

مير العزا في حكومة ترأس الشعب السعودي

سعود بن فيصل اللي فالمواقف كان معدود

يالله تجعل عوضنا خير بعدك يا سعودي

اللي قضا فالشؤون الخارجية خمسة عقود

شخص محنك سياسي كان في وقته فريدي

كنا نريدك طوال الوقت في مركزك يا سعود

لكن حنا نريد ويفعل الله ما يريدي

وان قالوا الناس فيصل قلت انا لازال موجود

ان روح سعود خالد لاسرة الفيصل يقودي

حاكم في مكة ومع سلمان يبذل كل مجهود

هو مستشار الملك وبرأيه الصايب يجودي

الغاية انا بخير ولا يزال الحبل مشدود

الحكم فيه الاسود ومن يجي مثل الاسودي

ما دام في حكمنا سلمان سير الحكم في صعود

الله يديمه لنا يوعد ويوفي بالوعودي

الرايد اللي رضا الخلاق له غايةومقصود

لعل عمره طويل وكل عام فالوجودي

ومحمد النايف اللي كل يومِ فعله يزود

همة محمد تصد الخصم وتكيد الحسودي

والناس ذاشانها والفهد دايم حوله فهود

وانا غاب فهدِ يجي بعد الفهد جملة فهودي

والشكر لله ما غير الله المعبود محمود

اما المخاليق دايم صادرة بعد الورودي

- الشاعر/ حسين بن مريع العبيدي الحربي