الموضوعات الأكثر
من الفوح الازرق عطر المجد والأمثال
وخل الهبوب تذوب بانفاس قايلها
تقهوى البطولات ورفض هزة الفنجال
وخرمات راسه غيرها ماتعدلها
يدينه خلقها الله لثنتين: بس ثقال
تصافح ملوك وترفع كؤوس نايلها
هو اللي لنجمات الزعامه غدا منزال
وكل المواسم تنعرف من منازلها
الموسم اللي فيه رعد الفخر موال
لا ناضت الوقفات غنت مخايلها:
كن المطر شعر بدا مطلعه: ياهلال
كل الملاعب من فنونه يسيلها
خلى البحور افزرقة امواجها تختال
ياكثر ماغرق خصومه وزلزلها
قتال أندية لاغلى الذهب نوال
خفاقة الويته ولاخاب حاملها
على عرش نصف الارض متزعم بأفعال
طالع منصات البطولة ونازلها
في آسيا له ست قمات ماتنطال
والغظ يبطي لو رقى صعب ياصلها
كسب خمسة وخمسين وقعه لها ابطال
حسبه لها تاريخ وافي تسلسلها
كاس المؤسس يشهد انه بطل اجيال
حتى المية عام تعرف من هو أولها
لاسمه صدر مرسوم ملكي بدون جدال
ماياخذ الالقاب لاسباب نجهلها
وهو فعلا الملكي وشاله هو أعظم شال
ملأ عالم الكورة بسحره وأشغلها
جماهيره الأكثر والأكبر على اية حال
وهي اللاعب اللي همته ماتخيلها
هي اللي تقرر كيف يبقى الزعيم هلال
هي اللي مدرجها تهزه فعايلها
من يلبس الأزرق فيبشر براحة بال
تشيله وتدعم كل من هو يمثلها
هذال اهو سامي وسامي اهو هذال
تغلي دعيعها ولا هان دايلها
هي اللي اذا قالت تعال لخصمها زال
ولاخر دقيقة ماتخلي صمايلها
هي اللي بملاعبنا تقود احدعش رجال
تجحفل كؤوس عاصية من جحافلها
- عبدالعزيز بن فهد الدوسري