هب قصف الحزم غاره تلو غاره

قادوا الغاره ملكنا وأومرانا

علّم الحوثي وروحاني وداره

اليمن مأمون دامه في حمانا

من يشب النار يصلى وسط ناره

يبطي الحوثي ولا يلحق مدانا

كلنا يابوفهد رهن الاشاره

والسعودي لا دعيته ماتوانا

كل شعبك ناحت بصدره عباره

كلنا سلمان لامنّه دعانا

ياذرى الاسلام كله يا عماره

نحمد المعبود يوم انه عطانا

نادرٍ يقدح وفي راسه نعاره

من هل العوجا ومعطينه ولانا

من زبن سلمان يبشر بانتصاره

يصعد العليا وخصمه بالطمانا

يحسم الموقف ويعطيك إختصاره

وقفة آل سعود من ماضي الزمانا

لعنبوا جارٍ رضى الذلّه لجاره

واخو نوره مارضى جاره يهانا

ومن بغى حد الوطن قرّب دماره

ما له إلا الكسره ليامن غزانا

من يحسب الحرب توليعة زقاره

والله إنا طاحنينه في رحانا

لو يحاور ما تقبّلنا حواره

يبشر بذلٍ مدام إنه نوانا

راصدينٍ جيشه وموقع مطاره

دكّنه قواتنا والله معانا

والعميد الركن صرح في قراره

امنوا ياهل اليمن والحق بانا

الشاعر - ماجد بن عواد السعدي - رفحاء