الموضوعات الأكثر
تبت يد الإرهاب واللي مشى به
وتبت يدين اللي يمده ويعطيه
من روع المؤمن عساها ذهابه
بأفعاله الشينة عسى الله يجازيه
ومن ضيع التفكير مايقتدى به
خسران والخسران من يقتدي فيه
والمسلم اللي ما بدينه تشابه
ما يتّبع لبليس وابليس يغويه
ومن ضاع عقله ما نحسّب حسابه
نسقيه من مر النكد لين نرويه
عاشوا رجال الأمن رمز النجابة
اللي يصدون العدو عن مناويه
بقيادة الشامخ كبير المهابة
محمد محمد كلنا نفتخر فيه
اللي نهار الكون يحسب حسابه
فرز الوغى رمز الوطن عز ناخيه
آليا اشتبك دخان حرب وضبابه
من الخوف ما يقدر خصيمه يلاقيه
وحنا فدا دون الوطن بالمجابه
عن كل غدر بغالي الروح نفديه
نحمى روابيها ونحمى ترابه
ولو دونه الموت الحمر مانخليه
دون الوطن في كل حزم وصلابة
نمشي على الدين الحنيف ومباديه
نجازي المجرم بحد الحرابة
نرد كيده فيه ونكبل ايديه
والاخرة يلقى من الله عقابه
سؤ العمل يكتب على حساب راعيه
وش ذنب طفلٍ جايح الهم صابه
يجر حسراته على فقد غاليه
وحرايرٍ ذاقن هموم وكآبهة
وش ذنب مسلم جا لفرضه يصليه
عسى الوطن يحماه خالق هضابه
وعسى الشهيد بجنة الخلد ياويه
- فرحان المطرفي