الموضوعات الأكثر
نعوذ بالله من تصاريف الأوغاد
اللي المشاكل والفتن هم دعاته
ومن شر من يقدم على قتل الأفراد
يذبح بني جنسه ويفقد حياته
اللي يشيل حزام ناسف بالأجساد
وفي وسط بيت الله يفجّر بذاته
المجرم الفاجر يحسب أنه جهاد
مرسل من اللي حددوا واجباته
طبّق سلوم اللي يكنون الأحقاد
حزب المجوس اللي يحرّك أداته
الظالم اللي عن طريق الهدى حاد
ينشر ضلالات المجوس بقناته
عاف العرب وأختار فارس له أسياد
حالف مجوس الفرس واعلن براته
بين العرب يفتن ولاشك ما فاد
غير الملامه والدعاء والشماته
وحوثيهم يدعم بدفعات وأقصاد
ومن حرّضه بالشر نفّذ وصاته
اللي على التضليل والكيد معتاد
الغادر الدجال يلزم اسكاته
الصفوي له شف بالكيد ومراد
تحطيم سادات العرب هي مناته
دمّر بلاد الشام وبلاد بغداد
ويبغي على الكعبه يوجه طغاته
يا مثّور الفتنه ما أحد عنك نشّاد
جميع ما عندك من الجهد هاته
جاك الزعيم اللي به المدح ينشاد
اللي نصر كل العرب في سواته
سلمان لشعوب العرب عضد واسناد
شعب العرب سلمان جمّع شتاته
سلمان يعلنها على روس الأشهاد
ليله على ظيم العدو ما يباته
دافع عن بلاده وللمعركه قاد
والجيش صال وقام في واجباته
فاجاه جيش الحزم ولقوته باد
مع الفجر تحرّكت طايراته
من كل باسل عن حدود الوطن ذاد
ترمي على روس العدو قاذفاته
أعطب صواريخ المعادي والأعتاد
ودمّر معداته مع مدرعاته
والجيش بالصحراء تصدّى للأضداد
جهّز دروعه للدفاع ومشاته
بالحد يوقف للمعادي بمرصاد
اللي نهار الكون يصمد ثباته
البطل بالميدان للخصم صيّاد
من يقترب له يقشعه في هواته
أبطال من نسل الحمايل والأجواد
هم البواسل والوطن هم حماته
- الشاعر/ عبدالله بن دهيمش بن عبار العنزي